Mae'r llwyfan cymunedol hwn ar gyfer unrhyw un sy'n byw ym Môn neu unrhyw un sy'n dymuno cael gwybod mwy am gymuned Ynys Môn.
Yma gallwch ddod o hyd i weithgareddau lleol, grwpiau lleol, a chwrdd â phobl sy'n rhannu eich diddordebau.
Ewch i ffrwd yr aelodau i ddod o hyd i'r holl aelodau. Wrth edrych ar broffil yr aelodau, gallwch glicio ar yr eicon 'person + ' i gysylltu ag aelod. Gallwch anfon negeseuon at eich cysylltiadau newydd o fewn eich mewnflwch personol.
Mae ein nodwedd 'digwyddiadau' yn eich galluogi i ddod o hyd i, neu rannu gwybodaeth am ddigwyddiadau yn eich cymuned. Gall sefydliadau a grwpiau lleol greu digwyddiadau sy'n digwydd yn wythnosol neu'n achlysurol, a'u rhannu â'u cymuned. Mae'n lle hawdd i bawb helpu ei gilydd a chysylltu â'i gilydd.
Sefydlwyd y llwyfan hwn gan Medrwn Môn, asiantaeth annibynnol sy'n darparu cymorth a chyngor i fudiadau gwirfoddol a grwpiau cymunedol i'w galluogi i weithio'n fwy effeithiol.
Nod Medrwn Môn yw cefnogi sefydliadau gwirfoddol a chymunedol i ddatblygu a chynnal partneriaethau a chyfleoedd rhwydweithio cryf. Mae Cysylltu Ynys Môn yn hyrwyddo grwpiau cymunedol, mudiadau, a chyfleoedd i chi gymryd rhan yn eich cymuned. Cyfle gwych i ddod i wybod mwy am yr hyn sydd i'w gynnig i chi.
Ein gwerthoedd a'n gweledigaeth ar gyfer y llwyfan hwn
Drwy weithio mewn partneriaeth ag eraill a thrwy ymateb yn gadarnhaol ac yn ddychmygus, ein nod yw cryfhau a hysbysebu cymunedau ledled Ynys Môn.
Mae'r aelodau hyn i gyd wedi ychwanegu 'tagiau' ar eu proffil gyda'u diddordebau. Gallwch dagio eich proffil drwy olygu eich tagiau 'Paru Gorau' o fewn eich dangosfwrdd preifat.
Cymerwch olwg ar y gweithgareddau presennol sy'n digwydd ar draws Ynys Môn. Gallwch chwilio yn ôl eich ardal leol, eich diddordebau, neu eich anghenion.
